نشرت صفحة غرفة عمليات ثوار الزنتان بطرابلس نصا حرفيا لتصريح مسجل لسيف الإسلام القذافي عند إعتقاله من قبل ثوار الزنتان في أكتوبر 2011 ونقله الى مدينتهم ،حيث قام سيف الإسلام بتحذير الزنتان مما يعده لهم زعماء قوى الإسلام السياسي وميلشيات مصراتة معتمدا في ذلك على علاقاته السابقة مع قادات الإخوان المسلمين والجماعة الليبية المقاتلة التي كان وراء إرجاع بعضها الى ليبيا وأطلاق البعض الآخر من السجون قبل أن ينقلبوا على نظام والده

ومما جاء في كلمات القذافي « الوادي الذي أنزلني يرقيكم اليوم ،إسمعوا كلامي ستتناولن نفس مصيري ،إنتظروا شهرا أو شهرين ، سنة أو سنتين وسترون كيف سينقلبون عليكم » وفي ما يلي النص الحرفي لكلمات سيف الإسلم باللهجة الليبية :

الوادي اللي منزلني هذا مرقيكم يا زنتان واسمعو كلامي الوادي نعرفه زين

وانا نقوللكم حتلقو وحتلقو في الوادي لأني كنت فيه . وأنتم جدد راقيين منه . وحتلقو شجرة وحتلقو مصراتة وحتلقو وحتلقو

عبدالحكيم بلحاج والصلابي مالقيت فيهم خير والله ماكم لاقيين فيهم خير يازنتان

وعرب مصراتة خوتكم وأقربلكم منكم منا صحيح . لكن اصبرو هاالشهر شهرين سنتين وحتشوفوهم كيف يولو عليكم . لكن في يوم من الأيام أرجوك ماتنكرش أني أنا سيف الأسلام وأسير وقلتلكم هذا الكلام

والله يا زنتان وقسما بالله لو أنتم ماشيين بالطريقة هاذي و لو تسحابوها بالسهولة هاذي والطيبة هاذي حتريحو ويضيعوكم

وأنا في الأسر ومانعرفش وين بيحاكموني البرا الداخل لكن والله كلمتي ماطايحة للوطا ويجي يوم يا زنتان وتقولو سيف الأسلام الأسير قالها