كشف الفنان المصري أحمد مكي عن تعافيه من مرض خطير أصابه العام الماضي، وأفقده ما يزيد عن 30 كيلو غراماً من وزنه.

وروي مكي تفاصيل رحلته مع المرض، في أول منشور عبر صفحته الرسمية بموقع التواصل الاجتماعي “فيس بوك”، التي دشنها قبل أيام، بعدما ضاق ذرعاً من الصفحات الوهمية التي تنتحل شخصيته، حيث قال: “اللي خلاني أعمل الصفحة دي، إني لقيت كم ناس سألت عليا لما غبت السنة اللي فاتت، وبيستفسروا أنا اختفيت فين، وكنت حابب أشكرهم على سؤالهم عليا، لأنه فعلاً فرق معايا نفسياً وكنت محتاجة قوي.

وأضاف: “أنا كان بقالي سنة تقريباً عيان جداً، كان عندي فيروس ضرب لي الكبد والطحال، مكنتش حتى أقدر أشرب بق ميه بسبب الطحال، وكنت في شبه كومة أول شهرين من المرض، عشان الكبد كان عملي خمول، كنت بأنام من 18 لـ 20 ساعة في اليوم”.

وأردف: “خسيت فوق الـ 30 كيلو وكنت شبه فاقد للأمل، الحمد لله على كل حال، أنا دلوقتي خفيت تماماً ووزني زاد تاني، واتعلمت كتير جداً في الرحلة دي، وكان فارق معايا جداً سؤالكم عني، حسيت إن ليا أهل مش جمهور، وإني فرقت معاهم لما غبت، ربنا يفرح قلوبكم زي ما فرحتوا قلبي، وأهلا بيكم في صفحتي”.

يذكر أن أحمد مكي يخوض سباق دراما رمضان المقبل بمسلسل “خلصانة بشياكة”، الذي يشارك في بطولته الثنائي شيكو وهشام ماجد.